um Salún
Kveikjan að Salún er einstakt dálæti hönnuðarins, Ásrúnar Ágústsdóttur á salúnvefnaði og íslenskri sundmenningu, tveimur hornsteinum sem hafa fylgt þjóðinni í gegnum aldirnar. Markmið okkar er að gera þessum dýrmæta menningararfi hátt undir höfði með því að samþætta aldagama vefnaðartækni og nútíma lífsstíl. Við leggjum ríka áherslu á að hver vara hafi skýran tilgang, auðgi líf okkar og falli saumlaust inn í okkar daglega líf.
arfleiðin
Salúnvefnaður á sér djúpar rætur í íslenskri menningu og má finna heimildir um hann allt aftur til 14. aldar, en sjálft orðið merkir ábreiða. Vefnaðurinn naut mikilla vinsælda hér á landi á síðustu öld, þegar ullarábreiður voru framleiddar á vegum Álafoss og SÍS. Þegar þeirri framleiðslu lauk voru iðnaðarvefstólar seldir úr landi og þekkingunni á salúnvefnaði fór hrakandi. Í dag má helst finna þennan merka vefnað á minjasöfnum, í Bústaðakirkju eða á nytjamörkuðum landsins. Salún er okkar framlag til að viðhalda þessari sögu og tryggja að hún týnist ekki.
hefðin endurvakin
Í hefðbundnum salúnvefnaði liggur munsturbandið ofan á einskeftugrunni, sem gerir vefnaðinn nokkuð viðkvæmann og takmarkar stærð munstureininganna. Hjá Salún förum við nýjar leiðir til að nútímavæða þessa hefð. Með því að nota jacquard-vefnað og hágæða tyrkneskri bómull, getum við leikið okkur með skala munstursins og stækkað hverja einingu mun meira en er mögulegt í salúnvefnaði.
Þessi tækni tryggir ekki aðeins endingu, heldur skapar hún loftun á milli þráða sem gefur efninu góða einangrun og einstaklega skjóta þornun, fullkomið fyrir íslenska sund- og baðmenningu. Allar vörur Salún eru framleiddar í Tyrklandi með virðingu fyrir gæðum, handverki og þeirri hugmyndafræði sem hefur fylgt okkur í gegnum aldirnar.